Mo- julebord i går...

... var veldig triveleg. Kjekt å treffe igjen litt av den gamle gjengen eg gjekk på Mo med rundt tusenårsskiftet. Vi var ein fin gjeng i går, men skulle gjerne fått med fleire!
God mat og drikke på Hamnehagen, etterpå gjekk vi på Tresken. Det var som Tresken brukar å vere, egentlig. Det som kanskje skremmer meg litt er at begynner å føle meg litt gammal der :P Reagerer på alle "småripsa" som nesten ikkje har kle på seg...

Arti å treffe igjen litt naustedøler og. Som ein kan stå i kebabkø med og berre preike skjit :)

Var alt i alt ganske arti i går, til tross for at det var Førde det var snakk om!

Tiårets beste norske låt

Petre skal kåre tiårets beste norske låt. Tja....
I utgangspunktet ei vanskeleg oppgåve. Det kan aldri bli realistisk sånn som den konkurransen er no. Halvparten av lyttarane til petre hørte på hits for kids i 2001. Og stemmer beinhardt på Donkeyboy eller Erik og Kris... Det blir berre ikkje heilt riktig.

So, kva syns eg er tiårets beste norske låt? Det kjem heilt an på kva ein skal legge i begrepet. Er det den eg likar best? Den som har gjort det best på listene? Ein kombinasjon?
Den eg likar best av dei 100 nominerte er vel kanskje Tynn Tråd med Dumdum Boys. Og reint personleg syns eg og Dumdum Boys er tiårets beste band. Dei hadde eit forrykande comeback, og befesta berre den posisjonen dei allereie hadde som rockekongane i Noreg. Men ingen av låtane var sånn kjempehit, større enn dei andre. Alt var bra liksom. Er vel det som bremsa litt på ei sånn kåring trur eg.

Ein skal ikkje glømme Majesty med Madrugada. Min nr 2. Fantastsik låt, fantastisk band og fantastisk vokalist. Sivert Høyem har bevist at ein trenger ikkje vere halvkatrert tenor for å funke som bandvokal :) (Ta den, tenorjävlar :P)

Kaizers ligge an til å gjere omtrent reint bord. For so vidt ikkje ufortjent det heller, men kanskje litt i overkant. Eg ville vel plassert dei som nr 3 på bandlista. Veit ikkje kass av låtane eg vil trekke fram, dei er omtrent jamngode. Og for å vere ærleg syns eg dei er ganske like.

Dei gamle traverane i A-ha er vel det norske (pop) bandet som har gjort størst suksess i utlandet nokon gang. Endå eit bra comeback, men ikkje heilt 100% mi greie.

Dei mest undervurderte på lista er Satyricon, som representant for det norske svartmetallmiljøet. Denne sjangeren er kanskje Noregs største kultur-eksportartikkel. Veldig undervurdert og veldig misforstått. Heller ikkje det er mi greie, men eg har stor respekt for det som det norske metallmiljøet leverar. Her er Norge blant dei beste i verden, men for få veit om det!

Nei, no er det natta. Og snart nattønske:P Svisker...

Klem Alfie

Tilbake...

etter ei knallhelg på rådyrjakt i Levanger.
Vart ikkje rådyrfall på meg denne gongen heller, men va jammen nære på. E vel ikkje mininga det skal vere enkelt. Vi fekk eit rådyr og ein rev på laurdag.

Har planer om nokre blogginnlegg, men ikkje no. Trøtt som berre F. Køyrt nærmare 70 mil i dag.

Natta folkens!

Bruktbilselgarbransjen...

...er nok noko for meg.
Har nettopp solgt gamle Galanten. Bilen som eg har hatt sidan 2004.
Eg har jo då kjøpt meg ny bil (dvs brukt, men ny for meg). Og då har eg jo ikkje bruk for min gode gamle asiatiske venn lenger.
Tok bilete av den og la den ut på Finn.no på fredag. Laurdag ringte det jammen ein trønder som ville ha den. Suksess!
Trønder'n kom med nattbussen frå Trondheim i natt, og vi møttes her i Førde kl 06 i dag. Skreiv under kontrakta og fekk pengane. Og no er den på veg oppover til trøndelag. Bilen har vore der før og kan vegen godt, ingen problem det.

Eg trur Galanten får eit godt liv. Det var tydelegvis ein kar med litt peiling på bil. Han skulle ta ein solid gjennomgang på den og fikse alt som ikkje var heilt på G. Deretter skulle den bli pendlebil mellom Melhus og Værnes.
Det er ei god kjensle å selge den til slik ein kar. Eg må innrømme at eg i mørke stunder har frykta for at Galanten si karriere var over. At ingen ville ha dette glimrande stykke køyretøy, og at det var skroten neste. Men heldigvis var det ein der ute som hadde peiling på bil. Konge!

Pengane kjem godt med. Overtar leiligheit i morra, og treng det meste. Eg har egentlig mest lyst til å kjøpe meg ei børse for pengane, men fornuften vinner vel denne gangen, dessverre.

Jeg er ikke....

.... så tror som du full jeg er.

Neida. Holdt meg bra i skinnet i kveld. Burde sikkert sagt neitakk til eit solid glas akevitt no heilt på slutten, men LA GÅ!

Er på fiskeseminar. Med julebord. Råflotte greier, å ligge på hotell på enkeltrom med fullpensjon ganske nøyaktig 12 km frå der ein bur. Det er faktisk fordelen med å ha jobb. Som kan betale slikt :)
Om 6 timar og 10 min skal eg forresten holde eit innlegg. Det blir kult.

Ein ting eg tenkt på i det siste. Då eg var student, var eg ganske vandt med å trekke opp snitt-alderen i dei fleste samanhengar. Eg var blant dei eldste i dei fleste samanhengar. Fair enough. No derimot, trekker eg snittalderen betrakteleg ned i alle samanhengar eg deltar i! Ofte er eg yngst, til og med.
Dette faktum er ei blanding av interessant og meget skremmande.

Uansett. Her vore ein triveleg kveld. Ete godt, drukke litt, og dansa litt swing med frøken M. Heilt ok det! No har eg ein date.... Med ei dyne.

Sjubbidoooo, folkens

Klem til alle som vil ha frå ein littegrann brisen Alfie

Busy helg

Blir hektisk helg det her.

I kveld er det julebord med jobben. Skal bli arti å sjå når ellers litt trauste kollega'ar får litt innabords. Og blir nok triveleg å treffe betre halvdelar. (Sjølv må eg nok gå aleine, stakkar).

I morra er det fiskeseminar. Må nok holde meg litt i skinnet i kveld, for eg skal vere ordstyrar i morra. Jaja. Nok eit julebord i morra kveld, denne gangen på fasjonable Rica Sunnfjord Hotell :) Er faktisk so råflott av meg at eg overnatta på hotellet, som ligge vel 10 min heimeifrå. Skal det vere so skal det vere!!!

Søndag er det andre dag av seminaret. Må nok ein gang vere litt presentabel, då eg skal holde eit innlegg. Skal bli godt å bli ferdig med helga og, lure på om eg skal produsere litt elg-karbiser på søndags kvelden.

Ha ei strålande helg, folkens!!!

PS: Det er vistnok "spark-ein-rødhåret-dagen" i dag. Ingen so har sparka meg...

The A-Man

Sorry...

... har vore fråverande i det siste. So beklager til dei som eventuelt måtte finne på å følge med her.
Eg kunne prøvd å unnskylde meg med at eg ikkje har hatt tid. Men det stemme vel egentlig ikkje :P Denne veka har eg vel brukt fleire kveldar på å berre sitte heime å sløve. Har faktisk litt dårleg samvittighet for det, men e no jammen godt å sleppa av litt av og til og!

Eg er forresten inne i ein "savne Ås periode". Leser på fjøsboka og andre medier at folk lese på eksamen der nede. Skulle nesten ønske eg og satt på Sørhellinga dagen lang og leste. Det var eit undervurdert liv :)
Men det er hovudsakleg 3 andre ting eg savna frå Ås; det sosiale livet, Samfunnet, og ikkje minst dei fantastiske jentene! Skal ikkje utdjupe det so mykje meir, men liknande trur eg ikkje ein finner nokon annan plass. So enkelt er det.

Ein stor fordel er det likevel i arbeidslivet. Ein får sjansen til å bli ekte gjeldsslave! Var i banken i går å besegla mi framtid i så måte. So då flyttar eg altso inn i leiligheit i Førde 1. des. Skal bli skikkeleg digg å sleppe å starte bilen kvar morgon!

Men no e det vel senga. So eg ikkje forsøve meg i morra og. Fekk ikkje tid til å drikke kaffi i dag nemlig. Og det er ikkje bra :P

Gudd nait fåolks!

Guldbergaunet Camping

Då er eg på plass i Steinkjer igjen. Del 2 av oppsynskurset.
Som vanleg tar vi inn på 10 kvadrat hytte på Guldbergaunet. Konge.
No sitte vi her, Annlaug, Anders og eg, med kvar sin laptop i fanget som noken andre geeks. Stas.

Tsssssht! Det var lyden av ei kald Dahls som mista møydomen.

Alfie

Bukk

Tor Erik etterspurte bilder her av ein bukk som måtte bite i graset i Røyrvika tidleg i jakta. So her kjem det nokre

Roleg laurdagskveld

Tar det lungt i kveld. Godt det og av og til. Tatt noken pils og laga til noke mat. Ser "Menn som hater kvinner" på DVD. Grei nok, men boka er betre enn filmen. Det er vel eit ganske vanleg fenomen når ein leser boka først og ser filmen etterpå. Ein lese boka, forelska seg i detaljane, og blir skuffa når filmen på 2 timar berre gjev eit kjapt samandrag av den boka som tok eit døgn å lese. Klassisk fenomen.

Egentlig bør ein gjere det omvendt. Det gjorde eg med Ringenes Herre.
Då kan ein ta for seg dei historiane som ein likar, og gå litt meir i djupna. Få med fleire detaljar som er i boka, men ikkje i filmen. Ein får meir kjøt på beinet på historia, på ein måte.

Det som er cluet då er at filmen kanskje blir best... Sånn var det i alle fall med meg og Ringenes Herre. Eg syns boka vart jækla langdryg, rett og slett. Og dei beste scenene frå filmane, var ikkje so bra skildra skrifteleg.

Kanskje er det sånn at det ein leser/ser først, er best?

Var på jakt i Røyrvika i dag. Fortsatt litt lite dyr å sjå. Men vi såg kalvar i det minste. Det har vi ikkje sett før i år. Vi fekk forøvrig ein liten kalv, som gjekk aleine. Bra å ta ut dei!

I morra ber det ut på jakt igjen. No er det natta!

Elgjakt på Fosen.

Ja, då har eg hatt meg noken dagar på Fosen på elgjakt. Er med eit fantastisk triveleg jaktlag som fadern har vore med på nokre år. Vi jaktar i på eit terreng på Bessaker i Roan kommune. Der er det berre fantastisk mykje elg...
Starta jakta på premieredagen den 25.sept. Vi hadde løyve på 4 dyr; 3 ungdyr og ein okse. I dag vart vi ferdig etter 4 1/2 dag med jakt. Resultatet vart 3 fjoroksar og 1 lita ung kyr.
Inne i denne dalen stod det jammen mykje elg. 3 av 4 dyr skaut vi her.

Grompostane ligger her. To i skaret til venstre og ein i skaret til høgre. Vi jaktar rett ved ein vindmøllepark. 25 vindmøller som er 110 m høge viser igjen i landskapet!

Andre dyret vi fekk, eg skaut ein liten fjorokse, eller "vetleokse" som det heiter her på Fosen. Jessi fekk prøvd seg som laushund, noko som ho trivst med!

Ikkje elg i solnedgang, men i siluett i det minste.

Stein Ove skaut det fjerde og siste dyret, det og var ein fjorokse.

"Pinnoksen" på ATV'en sin. Denne mannen er fullstendig sprø når det gjelder å ta seg fram med denne doningen og elg bakpå!

Slakting i redskapshuset til han som administrerer jakta. Stor sett heile jaktlaget, pluss eit par lokale heltar i sving. Dei lokale heltane er herved døpt "pinnoksen" og "fyr og flamme" etter diverse situasjonar :D

Eit godt fornøgd jaktlag tilbake i campinghytta.

Eg har i alle fall hatt noken fantastiske dagar på Fosen. Til tross for eit skikkeleg skjet-ver! Stiv kuling og regn har vore regelen... Men det tåler vi, jervenduken har blitt brukt hyppig!

I morra blir det heimreise. Over Strynefjellet på sommardekk... Kan bli spennande :P

Jakta

... er i gang.
I Røyrvika begynte vi på laurdag. Litt skuffande at vi berre såg 2 dyr. Men kjekt at vi fekk dei to.
Veldig greit egentlig. For ein gong skuld stod vinden stabilt den veien den skulle. Og hjorten gjekk der den helst skulle og. Då er det greit å jakte hjort.

Eit fornøgd jaktlag i Røyrvika!

Valget

... er over. Eg er ikkje redd for å seie rett ut at eg er veldig letta over at det vart raudgrønt fleirtal blant mandata. Der er alltids ein diskusjon korvidt fleirtalet er reelt når ein ser på stemma totalt sett. Sånn vil det alltid vere i eit system. Fair enough for min del.

Ei stor tillitserklæring for den raudgrøne regjeringa å bli gjenvalgt. Det er ikkje lett for ei sittande regjering å blir gjenvalgt i dag. Til det har vi det for godt til å skjønne kor godt vi har det. Og vi har for stor sytekultur i dette landet. Men Jens og jentene klarte det, all honnr til for det!

Venstre gjekk på snørra. Synd egentlig, for det partiet har ein politikk som fortjena meir oppmerksomhet og meir oppslutning ann den har. Eg vurderte faktisk å stemme på Venstre, men gjorde det ikkje av to grunnar; 1. Skuffa over Sponheim si uttale om pelsdyrnæringa. 2. Eg var redd for at ei stemme til nokon andre enn dei raudgrøne, ville indirekte vere minst ei halv stemme til Siv og Erna.

Høgre går fram. greit nok. Det er eit ganske ansvarleg og fornuftig parti. Eg er berre ikkje einig med ideologien i utgangspunktet.

FrP... Kor skal ein begynne...? Ein kan jo seie at dei snart fortjena ein sjanse. Men eg er redd for at i løpet av det "eksperimentet" vil store delar av det Noreg eg er glad i vere rasert. Eg tenker på landbruk, andre primærnæringar og distrikta generelt. For min eigen del har eg vel ingen jobb, og ei fullstendig unyttig utdanning dersom FrP får bestemme. Greit nok at eg får skattelette, men eg har jo ingen inntekt å få skattelette på!
Uansett om eg tenker egoistisk eller solidarisk so klarar eg aldri å bli einig med FrP.
I tillegg syns eg dei oppføra seg rett og slett barsnlig no etter valgresultatet. Skuldar på Lars og Venstre samtidig som at dei hoverer over Venstre sitt dårlege resultat.
Kan dei ikkje innsjå det at sentrumspartia V og KrF har ein politikk som ikkje er foreineleg med eit regjeringssamarbeid med FrP? Skal dei liksom danne ei regjering på "ikke-sosialistisk side" der det einaste dei har til felles er at dei ikkje er sosialistar? Der dei forresten vi ha med seg eit parti som definerar seg som liberalsosialistisk. Ja, det går sikkert bra.

Egentleg er det berre ein politikar som har imponert meg i valkampen. Liv Signe har holdt seg på matta. Ho har ikkje latt seg vippe av pinnen av verken motdebattantar eller programleiarar. Og ho har opptrådt blid og smilande heile tida. I motsetning til den snurtne mina til Siv.

Takk til det norske folk for fire nye år med stabilitet og velferd. Berre dei klarar å få inn litt seriøs miljøtankegang i tillegg so kan det bli bra det!

A

Kontoret

Tenkte å legge ut noken bilder av mitt fantastiske kontor. Hjørnekontor i toppetasjen og greier. Veldig fint, heilt til sola kjem fram. Då blir det grisevarmt...


Her sitter eg då, og prøva å skaffe meg fornuftige arbeidsoppgåver som avdelinga kan tjene peng på. Det går litt trått no i starten, men det ser lysare ut, egentlig :)

Her er utsikten rett fram og til venstre


Og dersom eg snur haue mot vest, kan eg følge med på kva denne krana styrar på med.

Og sånn går no dagane...

Heime igjen!

Kom akkurat heimatt etter ei veke på kurs i Steinkjer.
Tar eit basiskurs i naturoppsyn ved Høgskolen i Nord-Trøndelag (HiNT). Håpet er å kunne ta oppsynsoppdrag gjennom jobben. Og eventuelt kunne få oppsynsjobb ein gang i framtida :) Er no lov å håpe i alle fall.

Det var knallarti. Tok kurset saman med Annlaug og Anders, gode venar som eg har studert med på Ås. I tillegg traff eg på andre kjentfolk på kurset, bant anna ein kamerat her i frå Naustdal. Verden er liten, i alle fall vår bransje.

Vi budde på campinghytte og levde livet. 3 stykker i ei litt slitt hytte på 10 kvadrat... konge! Fekk og testa nokre ete- og drikkestader i "storbyen" Steinkjer.

I tillegg var eg innom Gunnar i Levanger og Audi i Stjørdal (Hegra). Kjekt å treffe igjen gode venar! Traff i tilleg litt andre kjentfolk i området, og får berre bekrefta mitt inntrykk; det er utruleg mykje trivelege folk i Nord-Trøndelag! Av ein eller annan merkeleg grunn kjenner eg mange folk rundt om i det fylket...

Fekk dessverre ikkje tid til ein tur ut til Line på Harbak. Det må eg ta igjen seinare i haust når eg skal til Fosen på elgjakt. Skal jo til N-Tr igjen om 18 dagar :P

Men merkar at det er noko i uttrykket; "borte bra men hjemme best". No skal det jammen bli godt å legge seg i si eiga seng!

Alfie, globetrottaren

Pelsdyrnæringa

... er i hardt ver om dagen. Dei fleste har vel fått det med seg.
No burde eg heilt sikkert skrive at næringa bør leggast ned, at den er forkasteleg, at det er dyreplageri etc. Det er jo Politisk Korrekt.

Men det kjem eg altso ikkje til å gjere. Eg har jobba litt med pelsdyr og kjenner meg ikkje igjen i den propagandaen som enkelte sokalla dyrevernarar. Kanskje eg har vore heldig med dei revegardane eg har jobba i, men eg kan ikkje hugse at eg hadde noko å utsette på dyrevelferden. I alle fall ikkje samanlikna med andre driftsformer i det norske landbruket.

Det fins råtne epler i alle kurver. Og i pelsdyrnæringa. Der fins nok dessverre dei med eit litt forelda syn på dyrevelferd. Det er bra at desse vert kontrollert og at det eventuelt vert sett i verk tiltak.
Men det betyr ikkje at heile næringa skal leggast ned. Det fins ingen logikk i det, og det er inegn andre næringar som må finne seg i slikt.
Der skjer av og til dyretragediar i sauehaldet. Det er ikkje snakk om å legge ned heile sauenæringa av den grunn...! Det same med storfe, høns, hest osv.
Det må vere ufatteleg frustrerande for dei seriøse pelsdyroppdrettarane som er opptatt av dyrevelferd og eit skikkeleg dyrehald. At dei blir stigmatisert på den måten.

Eg må og seie at eg er skuffa over diverse politikarar som bit på denne propagandaen frå diverse grupperingar. Dei tek seg ulovleg inn på revegardane, tek bilete og filmar. Ikkje rart pelsdyra viser unormal og stressa atferd når det kjem ukjende folk inn med lys, blitz osv... Det er slike situasjonar som fører til halebiting og andre skader som dei etterpå kan "dokumentere".

Nokon vil påstå at pels er luksusprodukt og unødvendig. Holde dyr fanga kun til menneska sin forlystelse. Skal ein følge den linja må ein vere konsekvent.
Alt hundehold må då og blir forbudt med mindre hunden er brukshund (jakt, gjeting, redning, trekkhund etc). Hundehold er å holde eit rovdyr i fangenskap til vår eigen forlystelse. Samt å nekte hunden å leve ut sine naturlege instinkt og drifter.

Men uansett korleis ein vrir og vender på det so er pelsdyrnæringa snart ein saga blott... Ikkje pga dyrevernaktivistar, men pga mangel på rekruttering. Næringa slit seriøst med forgubbing og det er ingen unge som er interessert i pelsdyr.

So då vinne vel desse sokalla dyrevennane då. Kva blir det neste dei skal gå laus på?

Opprydding

Det er ofte dei enkle små tinga i kvardagen som får ein til å stoppe opp å tenke litt. Hadde nettopp eit slikt øyeblikk. I utgangspunktet ein liten bagatell, men som på ein måte hadde stor symbolsk betydning for meg. Det føltes i alle fall sånn.

Eg sat no her foran PC'en og skulle fikse noke jobb greier. Har jo jobb-PC som eg normalt brukar. So det var første gang eg skulle lagre noko jobbrelatert på denne PC'en.
Eg oppretta mappa "jobb" under Mine Dokumenter. Det gjekk fint.

Eg opdagar at lista med mapper under Mine Dokumenter er lang og rotete, og bestemmer meg for å rydde litt i dette. Dei fleste mappene bruka eg jo ikkje lenger.

Eg oppretta mappa "Studenten Alf" for alle mappene som var student-relatert og som eg derfor ikkje bruka lenger. Det var då tankane begynte å melde seg...
Desse mappene som definitivt var dei eg brukte mest. Både som student og som engasjert brukar ein jo data enormt mykje. Desse mappene representerte jo egentlig heile livet mitt, omtrent!

Dei første mappene eg la inn i "Studenten Alf" var mappene "Master" og "Fag". Det gjekk greit. "Tidl Fag" var heller ikkje særleg vanskeleg. "Tuntreet" og "Valnemnd SS" (studentstyret) var relativt korte karrierer med litt mindre betydning enn ein del andre ting og drukna derfor litt.

"Lydkommiteen" og "UKA" var litt verre. Eg har vore medlem i Lydkomiteen på Samfunnet i 5 år, vart verva på grillfest på Pentagon. 2 år som leiar i komiteen. Lydfunkis under 3 UKEr.

"Ringfestkomiteen" bringte fram nokre minner. Det vart ein del planlegging, det vart ein del stress mot slutten. Men, med fare for litt sjølvskryt, det vart ein fantastisk kveld. Det er komplett umogeleg å avslutte 5 år på Ås på ein verdig måte, men det var so nær som det kan komme!

So kom dei tyngste mappene å flytte over til mappa som symbolisera historie:
"Samfunnsstyre" og "OverRævne". Eg gidde ein gang ikkje prøve å sette ord på det.
Det var jaggu snålt.

Spørs om det er i ferd med å gå opp for meg at denne perioden er over. Sjølv om eg innerst inne trur at eg kjem til å nekte for akkurat det til Dovre faller.


Apropos: Lure på kortid eg skal slette tlf-nummeret til Modern frå mobilen. På fredag er det 2 år sidan...

Alfie

Fin dag!

Hepp! Vore dårleg til å skrive her i det siste. Den kjem og går litt den der inspisasjonen og skrivekløa.

Men i dag kan eg i alle fall opplyse om at eg har hatt ein fin og relativt innholdsrik dag.
Starta med det som er kvalitetstid her i huset, å kunne ta seg god tid til å ete frukost i helgane. So det vart ein passeleg lang frukost med ein kaffikopp eller tre.

Fadern skulle på hytta å jobbe. Eg skulle til Røyrvika og merke og rydde nokre hjortepostar. Slapp av fadern på vegen, og køyrde opp i Røyrvika Fekk meg ein finfin tur i skogen. Fekk vel rydda og merka 10 postar eller noke sånt. Såg forresten 2 hjortar, truleg ei kolle med kalv.

Då eg kom ned igjen, tok eg med hagla ned til vatnet for å sjå etter ender.
Klarte å snike meg inn på nokre krikkender som sat på ein stein. Fekk 2 av krikkendene. Tok sannsynligvis sesongens siste bad då eg måtte svømme ut og hente inn endene. Skal bli arti å tilbrede krikkand, for det har eg ikkje smakt før!

Aastøylen

Det ville ikkje vere enkelt om ein skulle kåre verdens finaste plass. Men ein ting er i alle fall sikkert; Aastøylen hadde komme veldig høgt på lista mi! Aastøylen er ein skikkeleg god gammaldags støyl (også kalt støl eller seter).

Støylen ligger idyllisk til på ein voll ved siden av ei elv, innerst i Gjengedalen i Hyen.
Her har tante Judit og onkel Anders dyra sine om sommaren. Dei er av dei få bøndene som "støylar" på gamlemåten, og mjølkar kyrne på støylen. Kyrne går fritt ute i den frodige støylsmarka heile dagen, og blir henta inn og mjølka om kvelden. Om morningen vert dei mjølka og sluppe ut att.
Dei leverer ikkje mjølka, då dei ikkje har system med mjølketank på støylen. Mjølka vert separert med handemakt, og tante og søskenbarn Hilde lagar rømme, smør etc på skikkeleg støylsvis!

Før mjølking må kyrne hentast. Dei kan vere nesten kor som helst :) I går var det fadern, søskenbarn Hilde, søskenbarn Sigurd og eg som skulle finne kyrne og hente dei inn til mjølking. Eine kyra går med peilar, so vi visste sånn nokonlunde retningen. Men likevel gjekk det ganske lenge før vi (rettare sagt Sigurd) fann kyrne. Dei hadde like gjerne funne seg ein fin plass med godt beite på ei øy midt i elva.




























Eg og fadern vassa over elva og jaga kyrne over på rette sida av elva igjen.








Legg forresten merke til kor reine og fine kyrne er. Sånn blir dei av å gå ute om sommaren!






Etterkvart fekk vi jaga kyrne tilbake til støylen og tante fekk komme i gang med mjølkinga.




























Etter mjølkinga vert mjølka separert. Denne gode, gamle seperatoren skiller skiller ut fløyten i mjølka, slik at ein sit att med skummamjølk og fløyte. Legg merke til sveiva, her må det handemakt til for å få det ideelle tempoet. Dette er ein vitenskap!!!

Denne typen støylsdrift er vistnok ikkje økonomisk lønnsom. Derfor er det få som driv med det. Men dersom ein kunne måle dyrevelferd og trivselsfaktor for oss menneske i realistisk pengeverdi, so trur eg dette måtte komme ut som den mest lønnsomme driftsform i norsk landbruk!

Snart er det haust. Og hjortejakt. Då skal vi tilbake til Aastøylen. Eit helrleg jaktterreng! Her er kanskje ikkje alltid so tett med hjort, men det blir alltid mykje spenning med dei dyra som er her. Her er bratt og tett skog, og det er ikkje uvanleg å ha hjort innpå 10-20 m. Då er det action! Denne lia på bildet her er alltid heit :)

Jaktfelt...

... er glimrande trening før jakta. Og veldig moro!
Vi er ein gjeng som brukar trene litt jaktfelt ein gang i veka sånn ca, gjennom sommaren. Veldig enkelt opplegg.




Vi har 4 hold, beståande av ulike dyrefigurar, på 30-150 meter. 5 skot på kvart hold. Og ulike skytestillingar på kvart hold.









JR demonstrera her finfin sittande skytestilling med sin danske frøken ved navn Schultz & Larsen.










Og sånn skal det då sjå ut på blinken.






A

Jotunheimen

Den herlige jente-gjengen i Grusveien 19 tok og i år initiativ til fjelltur i Jotunheimen før Vinjerock. Det var vistnok suksess i fjor, og i år var det betrakteleg fleire som ville vere med (inklidert meg). Applaus til jentene som drog i gang og organiserte dette!

Eg visste at Vinje kræsja med LS, og tenkte derfor å kutte ut heile greia. Men det var so mange trivelege folk som skulle vere med, so eg fann til slutt ut at eg kunne bli med på turen sjølv om eg ikkje vart med på Vinjerock. Det faktum at AM skulle vere med var jo og sjølvsagt sterkt medverkande :) So eg ordna meg ei ekstra friveke.

Fredag etter jobb køyrte eg til Sogndal og traff AM og C der. Etter ei overnatting i Luster tok vi bussen over Sognefjellet og opp til Spiterstulen, kor vi samla troppane. Dei fleste starta turen her, men noken møtte oss seinare og slengte seg med.

Første kvelden på Spiterstulen bestod av rømmegraut, øl og swingkurs. og forløp sjølvsagt heilt fri for pinlige episodar :P









Neste dag starta vi å gå. Dagsetappen skulle gå frå Spiterstulen, over Glittertind og ned igjen til Glitterheim. Turen er eigentleg relativt hard, og kanskje hardare enn dei fleste hadde rekna med. Vi snakkar 1300 høgdemeter opp, litt over 1000 ned igjen, fordelt på 2-3 mil. Men var fantastisk flott alt i alt. Middagen på Glitterheim var fantastisk. Glitterheim var nok beste hytta på turen, syns eg :)



Glitterheim


(Eg beklagar det litt tåkete bildet. Eg mista kameraet i ei elv... Rekna med at det var kvelden, og at eg kanskje kunne kjøpe meg eit nytt. Men neida...)





Dag to gjekk vi frå Glitterheim til Gjendesheim. Rein transportetappe, men ganske lang. Vi fekk regnver mot slutten og vart egentlig søkkblaute før vi kom fram til Gjendesheim.

Tredje dagen var veret nok ein gang nydeleg, og vi skulle gå over Besseggen til Memurubu. Dei med mest slitne bein etter to harde dagsmarsjar tok båten, og vi kunne og sende ein del baggasje med samme båt. So vi gjekk lett og ledig over Besseggen. Ein veldig fin tur. Men du går i kø, og Besseggen er omtrent like oppskrytt som eg trudde den ville vere :P
Innover Gjende, mot Memurubu og Gjendebu










Gjengen samla på høgste toppen før vi går ned mot Besseggen


















Bessvatnet på høgre sida, Gjende på venstre

















Ein går faktisk bokstaveleg talt i kø på Besseggen



Vi kom fram til Memurubu. Ei privat (og litt dyr) hytte som bydde på nokre snodige episodar... Men beliggenheiten var veldig fin. Badetemperaturen var forøvrig frisk.

Neste dag gjekk vi over fjellet, ned Bukkelægret og til Gjendebu. Nok ein veldig triveleg plass. Og pluss for turens finaste servitriser... Som i tillegg vart med oss på fest utpå kvelden.
Det vart litt foredrink'ar og forsøk på nachspiel i lavvo'en vår. Vi prøvde til dømes å lære ein amerikaner å drikke karsk a'la Erling. Arti kveld!


Siste dagen vart nok ei transportetappe, til Eidsbugarden og Vinjerock. Nok ein gang vart vi ganske blaute. Eg og AM måtte her forlate gjengen, og det var med tungt hjerte. Neste år skal i alle fall eg satse på å få med meg Vinjerock og!
Eg kon og anbefale "hytte-til-hytte" i Jotunheimen. Litt snodig konsept for ein som helst skal sove i telt og koke på stormkjøkken på tur. Men det er veldig sosialt og ein kan rekke over ganske lange avstander uten å slite seg fullstendig ut dersom ein pakkar ein typisk "hyttesekk". Berre hugs å ha med rikeleg med pengar til øl, for det blir det noken av på hyttene.

Til slutt; nok ein gang takk til denne gjengen! Som har tatt initiativ til desse turane og som tar seg av planlegging og organisering. Og til heile gjengen; Tusen Takk for ein knalltur!


Turist-Alfie

Tilbake frå ferie

Då var eg tilbake frå ferie. Først ei veke i Jotunheimen på "hytte-til-hytte" tur. (Kjem tilbake til turen i eigen tråd). Deretter ei lita veke på Landsskyttarstevnet på Evje.

LS gjekk sånn heilt ok for min del resultatmessig. Har skote veldig lite siste året, og kan ikkje forvente allverden. Hadde 230 på bana og 25 treff på felten. Begge deler er godkjent. Tapar dei som vanleg på ståande på bana (16 av 20 taparar), og på felten tapte eg alle 5 på kneholda. Det er rett og slett treninga det står på, er eg redd.

Kvart haust tenker eg at "i vinter skal eg jammen trene mykje skyting". Innandørstrening med .22 er både veldig bra trening, det er billeg og det er moro. Likevel strekk ikkje tida til, den gjorde i alle fall ikkje det på Ås. Det vart liksom litt for mykje tiltak å komme seg bort på innandørsbana på rostadion. I tillegg vart alle andre ting (les: Samfunnet) prioritert foran. Dette først og fremst fordi skytinga berre var mi greie, og det gjekk berre ut over meg sjølv å droppe det. Gang på gang...

Men til vinteren skal eg jaggu trene masse skyting!

A

Lite flink...

... til å blogge i det siste. Skal innrømme det.
Eg er av den formeining at om sommaren skal ein ikkje akkurat prioritere tida foran datan.
Var på Friluftshelga i Hyen no i helga. Triveleg å treffe litt slekt og gamle kjende.
Bygde litt hytte på laurdag og. Det går sakte men sikkert framover med den hytta, gleda meg noke enormt til den er ferdig.

No har eg besøk av AM eit par dagar og livet er finfint :D

Blir hyppigare blogging seinare i veka.

Alfie

Definitivt siste gang...

... eg bruka den plenklypparen!

Eg har då nettopp klippa plenen. Men vår gamle elektriske plenklyppar frå ein gang på 90-talet.
Eg er lei av å gå å slepe på skøyteledning som henger seg opp i alt.
Eg er lei av å tømme den knøttlille posen kvart 3 min
Eg er lei av å skubbe på klypparen uten hjuldrift i mjuk mose. (Skal eg trene går eller sykla eg heller ein tur)

I tillegg er den treig å få til å starte og vil ikkje stoppe når den skal. Sikkerheit er ein fin sko...

Neste gang tjuvlåna eg klypparen til nabon.


"Pent" brukt plenklyppar til salgs. Elektrisk, men beinsterk motor. Skarpe, fine knivar.
Følger med oppsamlerpose, heil og pen.
Selgast til høgstbydande over 12 kr.







Alfie, the gardener

Trim for eldre

Veit ikkje kva som går av meg... Eg har fått sansen for mosjon. Må vere alderen.

Har alltid vore sånn at eg ikkje har vore motivert for å trene berre for å trene. Då eg spelte fotball hadde eg liksom ein grunn til å trene. Når eg endeleg tok til vet og innsåg min mangel på talent innan fotball, vart det og slutt på treninga.
Sett borti i frå noken innfall, som feks den småsprø morgen-intervall-treninga til meg, frk M og mr TB i fjor vår, so har eg hatt ein treningsfri kvardag og vore fornøgd med det. Inntil no.

Kanskje er det det at eg har innsett at eg gjerne kan ta av eit par-tre kilo. Men sannsynligvis er det vel berre eit so klisjefylt faktum at eg lika å komme meg ut å røre litt på meg. Sitte jo stort sett på eit kontor heile dagen for tida.

So no har eg altso nett vore ute og sykla opp forbi Styggelia og ned igjen. 3 mil.
Vil ikkje kalle det trening, det blir for seriøst. Ikkje trim heller, det blir for slapt. Fysisk fostring, kanskje. Eller mosjon?

I helga...

... var eg på country-festival. Dvs, i nordfjord heite det ikkje country. Det heite ikkje køntri heller. Det heite Kånntri! med å, og solid trøkk på dobbel n. When in Rome osv.

Det der med kåntri'en er egentlig gammal tradisjon. Eg kan ikkje fordra den seige musikken. Heile greia er so harry at ein kan få tics av mindre. Men, som sagt; det er tradisjon.
Det begynte for 10 år sidan, trur eg. Då var vi ein heil gjeng frå vidaregåande som reiste på kåntri'en. Vi gjekk tross alt på jordbruksskule... Vi var sikkert 20 stk til sammen eller noke. No er vi 4 stk igjen av den gamle kjernen som nekta å gje oss. Er sjølvsagt fleire kjentfolk som er med, men det minkar.

Va no for all del arti. Sjølv om eg tok det ganske roleg. Dvs eg tok det roleg på laurdag. trudde eg tok det roleg på fredag og, men det kjennest ikkje sånn ut laurdags morningen. sikkert begynt å bli gammal. No har no 2 av oss gjenverande fått fast følge og. So no sleppe vi no i alle fall å stresse med det. Vi prøvar å skaffe til dei 2 andre og, men det er ikkje lett når dei trivst aller best med å sitte i ein campingstol og drikke øl. Eg kan ikkje mykje om kvinnfolk, men eg har skjønt sopass at akkurat det blir dei ikkje mykje sjarmert av :P

Litt arti å mimre tilbake på gamle kånntri-minner.
kem kan vel glømme den gangen K yppa med feil fyr og vart kasta inn under ei campingvogn. Eller den gangen W (den kødden) høvla over E i MITT telt!
R har jo sjølvsagt hatt noken solide kuler der oppe, før han vart tøffel. O som har so kort heim at han kvart år tar turen heim på laurdagen for å gå på dass. Og alle dei gangane W har vore so fyllesjuk at vi har vurdert avliving. Det har han vel forresten vore kvart år.
PS: det sov to persona inne i dette teltet...


Det er nok ikkje det same lenger, altso. Før var det sommarens desiderte høgdepunkt. I går satt vi faktisk å vurderte om vi skulle droppe det til neste år. Finne ein annan festival? Ta ein tur i staden for? Likevel tør eg vedde på at neste sommar, når vi nærma oss andre helga i juli... So kobla vi på campingvogna vår frå 1978 og vende nasen mot Breim, nok ein gang. Hellig overbevist om at i år blir det jaggu bra!

Han hadde egentlig rett han som sa at kånntri handla handla rett og slett om tru, håp og kjærlighet.

Sette opp denne jækla bloggen

Tankar som går gjennom haue når eg prøvar å få denne sida her til å sjå nokonlunde vetig ut:

*Hmm, må ha eit bilde her...
*Nei, F**n, ikkje det. Såg grusomt ut
*Hmm, eg har ikkje akkurat so mange vetige bilder av meg sjølv.
*Får prøve å styre unna bilder der eg posera med døde og blodige dyr.
*Hmm, ikkje der der eg har camo-krem i tryne heller. Vil ikkje bli oppfatta som ein army-freak.
*Oi, då gjenstår stort sett bilder med alkohol i handa... Eg vil jo framstå som ein seriøs fyr.
*Ok, det der funka
*Nei det gjer det ikkje, eg mista jo haue på forhåndsvising
*Der ja.
*Nei f**n, no flytta det på seg her

*Hei! Kor blei den teksten av???

*AAAAAaaaaarhg!!!!!!!!

*H*****s sjetblogg!



(Går opp og ete middag)





*Ok, då prøva vi igjen eg og du
*Der ja. No snakka vi.
*Nei.... det gjer vi visst ikkje.
*No gidde eg ikkje meir, det får no te helsike berre vere sånn!

Som dokke sikkert skjøna so var ikkje detta heilt enkelt. Og det vart vel ikkje heilt so eg hadde tenkt heller. Tenkte eg skulle få til noke like fancy som Line, men det slår meg at den dama har litt betre greie på dette med design og layout :P

Jaja, får tilpasse det meir etterkvart. Gidde ikkje no

Alfie

Hjelp! Eg starta visst blogg...

Jepp.
Då falt eg for fristelsen. Har tenkt på det ei stund. Må no finne på noke for å få dekka visse sosiale behov etter å ha flytta frå Ås.
So då laga eg meg ein blogg!
Har ein feeling av at verste blogg-bølgen har gått litt over no. Det e liksom ikkje so "in" lenger. Då er det eigentleg blitt stovereint for meg å hive meg på ei forbigått bølge, det er ganske typisk meg.
Skyr mote og aktuelle trendar som pesten, men kastar meg gjerne på når fuzz'n er over og ein ser kva som funkar og ikkje, viss dokke skjønnar. (Litt arti å skrive dokke her, då der er ein ganske overhengande fare for at ingen kjem til å lese dette, hehe)

I tillegg til at dette universet no er blitt stovereint for meg, so må eg innrømme at eg er veldig inspirert av Funky Farm'en til Line. Den følger eg etterkvart ganske tett, og uten den hadde eg aldri falt for dette opplegget her.

Eller so skal eg i alle fall prøve å blogge litt i ny og ned. So får eg satse på at eg får fiksa til sida og sånt litt etterkvart.

Alfie